قلت أعدي أسلم عليا
ماكنتش أعرف
إني مش هالاقيني
سبتلي ورقة
مكتوب فيها
«وحشتني»
لما رجعت لقيتها
بس ماعرفتش مين اللي سايبها
مع إني حاسس
إني شفت الخط ده قبل كده
بس واضح
إن الإيد اللي كتبت
كانت بترتعش
بنفس وضوح الدمعة
اللي ف العين اللي بتقرا
سبتها ونزلت أدور
علي حد أقعد معاه
مالقيتش غير واحد يشبهلي
قعدت شوية واتخنقت
روحت لقيت البيت
زهق من الوحدة
وراح يدور
علي حد يونسه
ومكانه
كان فيه ورقة صغيرة
مكتوب فيها
بخط
أنا كنت عارفه كويس
«و ح ش ت ن ي»
2 التعليقات:
الله الله
مين وفين وامتي بقي :D
دماغ ههههه
إرسال تعليق