هناك عدد من المؤشرات التي تجعل الشاب يقول بكل ثقة «الموظفة دي محدثة» حيث يوجد 19 طريقة تفعلهم الموظفات للإحداث، وتأكد عزيزي القارئ أن الفتاة حتي لو كان نيتها سليمة وفعلتهم وهي لا تقصد المظهرة والأرننة، فهي تشعر بسعادة بالغة حينما تفعلهم وتعتقد في معاميقها أنها لارج وستايل «آخر حاجة»، وإليك صفات الفتيات المحدثات:
تضع علي الفيس بوك صورها في الكافيهات وهي بتشرب موكا أو سموزي فراولة مع صديقاتها
تدخل الأسانسير بالنظارة الشمسية
تضع جملة انجليزية صعبة وغريبة علي الماسنجر والفيس بوك
تتحدث عن ساقية الصاوي وحفلات دار الأوبرا
تمسك بفخر شنطة مكتبة ديوان أو شنطة فيسيس Faces لأدوات التجميل «بتحط فيها السندوتشات»
تلاقيها عاملة «فان» لباولو كويلهو علي فيس بوك
تعلق الموبايل في رقبتها «الحمد لله دي كانت موضة وبتنقرض»
تتحدث باستعراض عن عملية جراحية أجراها أحد أقاربها في دار الفؤاد
علي مكتبها علبة مناديل «جمعية رسالة» وأشياء أخري تعبر عن العمل الخيري العظيم إللي بتعمله
تمتلك مج ضخم جدا جدا وشكله مميز تشرب فيه النسكافيه بتاعها
تمسك مفاتيح العربية في ايديها أينما ذهبت وأينما وقفت تتحدث مع الآخرين «مع إن معاها شنطة يد»
تكتب ستاتيوهات علي فيس بوك عبر الموبايل «خلاص مش طايقة تستني ومتتنططش علي أصحابها لتكتب: انا دلوقتي في مارينا»
كثيرا ما تفتخر بطفولتها التي كانت خارج مصر
لديها كتاب لعمر طاهر - شكلها باظت - وتتحدث عن عشقها لروايات الأسواني
تقول إنها تحب محمد منير جدا «رغم أن عمرها ما اشترتله شريط»
تبرز رواية أجنبية سواء علي مكتبها أو علي الشاطئ «إللي هي الكتب التخينة دي بالإنجليزي إللي اغلفتها نضيفة وعادة ما بتكون عليها صورة واحد وواحدة أو وردة حمرا».
تتحدث عما جاء بالأمس في حلقة عمرو أديب وتقول «كان جامد اكتر حاجة»
تشتري الكوفي بتاعها من محطة البنزين
تتغني بعشقها وهيامها بالسوشي
2 التعليقات:
تعلق الموبايل في رقبتها «الحمد لله دي كانت موضة وبتنقرض»
تقصدي ايه بدي :D
هاتموتي ياسوسو :@
ههههههه وانا بقول ايه كمية حب البنات لمنير دلوقتي .....اتاريه منظرة...افادكم الله وربنا في الصميم
إرسال تعليق